A recollida da nosa hortiña

 O proxecto de traballo na nosa horta chegou ao seu fin. Ao longo do curso, moitos dos alumnos e alumnas do colexio pasaron a axudar co traballo da horta e aprenderon moito sobre o oficio tradicional da agricultura.

 Con boa disposición, a colaboración entre o alumnado foi total. Todos participaron nas distintas tarefas de rego das diferentes hortalizas, remover a terra, prantar as sementes xerminadas, limpar a horta de malas herbas e coidar dos cultivos con  moito agarimo.

Foron pasando os meses, e os nosos alumnos e alumnas déronse conta do duro traballo que se fai nas  aldeas, e os esforzos que se necesitan para ter unha horta limpa e ben coidada. Grazas a este proxecto, agora valóranse máis as familias que teñen avós e avoas que traballan o campo durante todo o ano, e que levan unha vida dedicada a este oficio.

Tras o paso de varios meses, chegou a hora de recoller a nosa colleita. Ao longo do presente curso, fomos vendo como crecían e cambiaban os repolos, nabizas, verzas, brócolis, allos e cebolas. 

Durante a recollida, a parte do noso alumnado facíaselle a boca auga, ulindo o resultado do cultivo de todo o ano e disfrutando do que a nosa hortiña regalounos.

Un oficio tradicional foi levado á práctica durante este curso. Unha moi boa experiencia que os nosos alumnos e alumnas non olvidarán, na que tiveron unha aprendizaxe moi divertida e enriquecedora para todos!

Despedimonos da señora lingua!

En estimulación da linguaxe neste terceiro trimestre estivemos a facer un montón de actividades para a mellora do mesmo.

As actividades que realizamos eran tan entretidas e divertidas que queremos compartilo con tod@s vós!!

Para despedirnos cantamos o cumpreanos á lingua, sopramos velas e ata comemos bizcocho porque despois de moito traballar coa nosa lingua….temos algo de fame!!

QUE PASADES UN BON VERÁN!

ESPERÁMOSVOS CON MOITA ILUSIÓN EN SETEMBRO!

SOMOS UNS ARTISTAS

O alumnado de Educación Infantil estivo traballando nun proxecto sobre arte e visitou o Museo de Belas Artes da Coruña, para profundizar un pouquiño máis o traballado na aula e tamén para aprender e poder ver de  primeira man outras cousiñas e así obter mais información para poder continuar con este bonito proxecto.

En 4º de Educación Infantil coñecemos as ferramentas dun pintor e familiarizámonos co seu uso, para iso traballamos coa paleta e co pincel creando obras de arte.

Ademais experimentamos outras técnicas de arte, pois pintamos con rolos de papel hixiénico facendo un montón de círculos, ao mesmo tempo que repasábamos a forma xeométrica. 

Por outro lado, xogamos a mesturar as cores e descubrir cores novas coa mesa de luz, á cal,  eles chaman a mesa da maxia pois fai que aparezan cores novas.

 

Tamén experimentamos botando pintura de diferentes cores nunha botella e movéndoa para que fose pintando.  Segundo os seus movementos, poidemos ver que as cores que saíron non eran as mesmas que nos botamos antes. 

Para familiarizarnos un pouquiño co museo a visitar, traballamos o mapa da cidade para ver que posibles camiños había dende o noso colexio ata o museo, e marcámolos de diferentes cores. 

En 5º de Educación Infantil traballamos dende o inicio da primavera no noso proxecto flores con moita arte. Nel coñecemos distintos artístas e distintas técnicas que recollemos neste enlace https://colegio-cid.blogspot.com/2019/06/flores-con-moita-arte.html

A continuación vai un pequeno resumo do que fixemos.

  En 6º de Educación Infantil comezamos coas esculturas ,mellorando así ,o desarrollo expresivo dos máis pequenos ,á vez que potenciamos a psicomotricidade fina e nos divertimos.Como aprendimos que as esculturas é unha arte de modelaxe que emprega distintos materiais (barro, madeira...) nós  desta vez decidimos empregar a plastilina. Quedaron unhas esculturas abraiantes.

  Despois chegou o momento dos cadros do alumnado onde plasmaron as súas obras de arte. Fixemos o noso recuncho con  cadros de todas as temáticas. Éstes peques estanse convertindo en verdadeiros artistas.

 Para rematar observamos moitas obras famosas en distintos museos, na  pantalla dixital, e decantámosnos polo artista Vicent Van Gogh . Pintamos o seu cadro máis famoso : Los girasoles. Sumerxímosnos  na cor e forza deste artista impresionista. Durante os meses de xuño e agosto os xirasois comezan a florecer e como non,na nosa clase tamén. Aquí vos amosamos o noso campo cheíño destas marabillosas flores.

E por fin visitamos o museo de Belas Artes da Coruña , onde poidemos ver diferentes obras, esculturas e por suposto as ferramentas que empregan para facer esas obras de arte. Os mais peques ata poidemos colorear unha obra de arte moi famosa, As mariscadoras, a cal poideron levar ás suas casas. 

 

CELEBRAMOS O DIA DO MEDIO AMBIENTE

O 5 de xuño, celebramos o día do medio ambiente. 

En 4º de Educación Infantil falamos sobre como nos está afectando o consumo de plásticos e que debemos facer  para que non contaminen. Por tanto, chegamos á conclusión que debemos reducir o cosumo de plásticos, reutilizar aqueles que se poidan e reciclar o máximo posible. Para tomar conciencia dalgúns usos de reutilización, decoramos as botellas de auga,  aproveitando que estabamos a traballar no proxecto de arte,  facendo un precioso macetero, , no cal plantamos unha faba e agora debemos de regar e coidar con moito amor e cariño para que poida crecer.

Para rematar, vimos como era o proceso de reciclaxe dos plásticos, pois non sabíamos como era e deixounos asombrados ao ver como rematan as botellas de plástico. 

En 5º de Educación infantil falamos sobre que significaba o medio ambiente e que podíamos facer nós por el. Fixemos fincapé no mar en na terra e como estamos a estragalos coas nosas accións.

Coloreamos a nosa Terra, a cortamos e pegamos para facer un puzzle simbolizando o que temos que facer con noso planeta, arranxalo poñendo todo o que cortamos no seu sitio.

Como outro acto simbólico botamos pintura na Terra e cubrímola con plástico para extendela sen mancharnos. A nosa Terra estaba chea de plástico e, de tanto remexer, ronpeunos. Con isto aprendimos que, aínda que no queramos, facemos dano á Terra coas nosas accións e esta, particularmente, foi usar o plástico sen coidado.

  

   Na clase de 5 anos estivemos traballando cas cores dos contedores do lixo , primeiro fixemos unha chuvia de ideas sobre todas as cousas que se poden reciclar e despois  observamos no que se poden covertir , foi unha sorpresa para os peques ver todo o que  se pode reutilizar. Mans a obra decidimos que o noso planeta tiña que estar moi limpo, e como dende o primeiro día do cole estamos reciclando as botellas da auga finalizamos tirándoas no contedor amarelo ( en A Coruña). Despois fixemos algunha actividade para que quedase adquirido en que contedor tiramos o lixo .

  Rematada a primeira proposta cada neno fixo o seu  propio planeta.Quedaron xenial e disfrutaron moito mesturando as cores.

  Tamén cantamos e bailamos coa canción : Los guardianes del medio ambiente.

  Para finalizar realizamos un mural estampando as nosas máns nunha gran árbore  que todos debemos coidar!!! pois como din os máis cativos: NAS NOSAS MANS ESTÁ COIDAR O PLANETA.

Non vos esquezades: reciclade para dar vida ó planeta!!!Reflexionemos

Divermate en primeiro.

Como xa dixemos en máis ocasións, os nenos e nenas motivados aprenden mellor. Por iso nesta ocasión, vos ensinamos algunhas das actividades máis divertidas que fixemos ao longo do curso de primeiro para repasar contidos matemáticos. 

Aquí podedes var aos nenos e nenas no primeiro trimestre saltando no xogo da semente hacia diante e hacia atrás para repasar a suma e a resta, xogando a oca ou con actividades de matemáticas manipulativas.

No segundo trimestre xogamos sobre todo ao bingo e as parellas da descomposición.

E no terceiro trimestre xogamos coas figuras xeométricas, coas monedas e billetes (euros e céntimos) e coa diana para traballar o cálculo mental.

As ciencias e a Domus.

A semana pasada os nenos e nenas de primeiro e segundo visitaron o museo da Domus. Ademais de aprender moitas cousas, pasárono moi ben. Tanto que non querían marchar do museo.

Coas súas preciosas vistas a cidade da Coruña repasamos as características dunha cidade e poidemos observar tamén claramente o que é unha paisaxe de costa.

Despois aprendemos moitas cousas das Ciencias: o ADN, a nosa evolución dende os homínidos, as ferramentas e diferentes especies da Prehistoria e cómo funciona o noso cerebro e as neuronas : RAMON Y CAJAL : Lunnis de Leyenda

 Tamén para recordar o día Mundial do Medio Ambiente, o 5 de xuño, vimos no cine da Domus, uns cantos vídeos para recordarnos que temos que coidar o noso planeta e do perigo do abuso que estamos facendo dos plásticos.