martes, 20 de febreiro de 2018

PROXECTO: O NOSO GRAN DE MILLO

Estudando o tema da alimentación decateime de que os nenos coñecen moi polo miúdo o grupo dos cereais. Así naceu este proxecto relacionado co gran proxecto de centro deste curso: "Escoita a nosa terra". A continuación vos ensinamos un resumo de todas as actividades que realizamos. 


  • A primeira delas foi poñer nun algodón, cada un de nós, un graniño de millo alá polo mes de decembro para observar a súa xerminación. Cos nosos coidados coñecimos cómo xermina primeiro e crece despois unha planta coma o millo. No mes de febreiro podedes observar qué bonita está a nosa plantiña e podedes recoñecer todas as súas partes.





  • Noutra sesión lemos o conto de O polo Pepe e xogamos co peluche deste poliño tan simpático. Ademais como sabemos que lle gusta moito o millo, ademais da cebada e o trigo, esfollamos e debullamos unha mazorca para darlle de comer. Cada un de nos metémoslle dous graniños de millo no seu peteiro e fomos contando cantos comeu en total.




Ademais aprendimos esta canción do polo Pepe. A ver se vos animades a cantala:


Cos grans que debullamos probamos a botarlles un pouco de aceite e sal para comprobar se nos saían flocos de millo (palomitas de maíz) pero o primeiro intento foi fallido como podedes comprobar nas fotos. Pechando os ollos escoitabamos como estoupaban os flocos e o ben que ulían. No segundo intento estouparon algúns pero non os suficientes como para probalos. Deste xeito tivemos que comer os flocos de millo comprados. Estaban boísimos!!!!



  • Ao seguinte día de comer os flocos (palomitas de maíz) fixemos problemas de matemáticas nos que os nenos de primeiro somos os protagonistas. Encántannos facer este tipo de fichas. Deixamos o enlace ao documento por se queredes repetilos na casa: PROBLEMAS CON LAS PALOMITAS


  • Por último, a profe Adriana nos ensinou cómo se facía o pan. Coñecimos os diferentes ingredientes, en especial ese ingrediente máxico que fai que creza tanto a masa e nos levamos para a casa un boliño de pan. Coa axuda dos nosos pais fixemos o último paso: metelo no forno.





Nos fixemos pan de trigo pero con esta canción coñecimos que tamén se fai pan co millo: CANCIÓN PAN DE MILLO

Así rematou o noso proxecto. Aprendimos moito e o pasamos moi ben. Esperamos que vos gustase.

martes, 13 de febreiro de 2018

Charla




A Comisión de convivencia, dende a Escola de Pais e Nais,  infórmavos da charla deste trimestre adicada a un tema moi delicado e preocupante, o acoso e o ciberacoso.

"Átrapame...si puedes: acoso y ciberacoso" terá lugar o luns 19 de febreiro ás 19:30 e será impartida por Montserrat Cerviño psicóloga sanitaria e coordinadora de prevención de ADAFAD.

sábado, 10 de febreiro de 2018

Entroido

Menuda semana de  Entroido!

Este ano o Meco estivo moi mandón
e obedecimos todos sen excepción.
Luns, martes, mércores...Que imaxinación!


 






Ao chegar o venres...todos disfrazados,
para comer as orellas moi refinados!
Todos os mestres quedamos encantados,
esperaremos ata o ano que vén moi ilusionados.


 

 




Día da non violencia e a Paz




 

 
 


Queremos dar as grazas a todas aquelas familias que nos acompañaron neste acto tan especial para todos/as.

xoves, 8 de febreiro de 2018

FOMOS BOMBEIROS POR UN DÍA

O pasado 26 de xaneiro as nenas e nenos de 1º e 2º de Primaria foron coñecer o traballo e as dependecias dos bombeiros da nosa cidade. Alí nos explicaron que realizan moitas máis funcións que apagar incendios, ensináronnos un dos seus camións por dentro e tamén nos levaron por onde realizan as súas tarefas cotiás durante o turno de 24 horas que teñen que cumprir. Destacaron ademais á importancia de traballar en equipo.
O que máis nos gustou foi sentirnos bombeiros por un día usando unha das súas mangueiras e falando na sala de control onde nos atopamos con un antigo alumno do noso cole.
Nesta ocasión vimos de preto cómo se preparaban para un rescate xa que durante a visita tiveron que saír a unha chamada de emerxencia.
Aquí podedes ver un resumo do ben que o pasamos.













































Dende aquí queremos agradecer a súa xenerosidade e hospitalidade coa que nos trataron en todo momento.



luns, 5 de febreiro de 2018

Proxecto Semente

Este ano, @s alumn@s de 4º e 5º de Primaria participamos de novo no Proxecto Semente. Este proxecto fomenta o espírito emprendedor creando e xestionando unha cooperativa escolar na que @s nen@s fabrican produtos que posteriormente venderán nun mercado que se celebra a finais do mes de maio no Obelisco.

Aquí podedes ver as nosas primeiras sesións de formación teórica.





Como toda empresa, temos que realizar uns trámites. O primeiro foi elexir de forma democrática aos nosos representantes. O segundo, elaborar a Acta de Constitución e os Estatutos da nosa cooperativa.

Tocou asinar estes documentos!





Unha vez que temos todo en orde, o máis divertido é poñernos a elaborar os produtos, que esperamos, compredes no mercado:



domingo, 4 de febreiro de 2018

xoves, 1 de febreiro de 2018

RESERVA DE PRAZA NO IES RAFAEL DIESTE




A reserva de praza no IES Rafael Dieste para o alumnado que finaliza 6º curso de educación primaria no noso centro pódese facer a través de internet ou entregando o Anexo I na Secretaría do colexio. O prazo é do 1 ao 15 de febreiro de 2018
Deixámosvos aquí a circular informativa que se entregou ao alumnado.