Inicio de Curso 2023-2024

 

Estreamos un novo curso escolar, cargado de enerxía e moita ilusión.

Vémonos o día 11 no horario habitual

Graduacións, excursión e fin de curso

O día 16 de xuño tiveron lugar as graduacións de 6º de Educación Infantil e 6º de Educación Primaria. Os/as máis pequenos/as comezarán unha nova etapa, a Educación Primaria, mentres que os maiores darán o salto ao instituto. Estamos moi content@s do voso compromiso e esforzo que vos levou a superar ditas etapas. 

Para ver máis fotos do acto, podedes facer clic aquí.

O día 20 de xuño fumos de excursión de fin de curso ao centro ecuestre "O Ventoso". Alí puidemos estar en contacto coa natureza, coidando animais e incluso subindo a cabalos e ponis. Ademais, tivemos a oportunidade de aprender a cociñar o noso propio pan e saborear o resultado final da nosa receita. Foi un día estupendo no que desfrutamos dunha convivencia marabillosa con todo o colexio.

 

 Se queredes ver máis fotos, facede clic aquí.

 

O día seguinte, gozamos dunha festa inolvidable. As clases enchéronse de música, xogos entre @s compañeir@s e deliciosas merendas coas que puxemos fin a este curso.

 

 

 

 

Agora é o momento de descansar e desfrutar do verán para comezar o vindeiro curso con moitas ganas! Feliz verán!

Un maio cheo de excursións

Durante o mes de maio, o alumnado do noso colexio desfrutou de varias excursións onde o pasaron xenial e aprenderon moito.

A fin de semana do 12 ao 14 de Maio o alumnado de sexto de primaria foi de excursión de fin de etapa. Estiveron nun campamento en O Grove (Pontevedra) e alí fixeron moitas actividades: pádelsurf, piragüismo, kayak, snorkel, escalada, tirolina, etc… Tod@s  volveron moi content@s e o pasaron xenial.

Ademais, Arturo celebrou durante a excursión o seu aniversario, unha festa nunha fin de semana que non olvidará.

Unha convivencia de tres días, para despedir a súa etapa no colexio Cid onde se levan grandes recordos.

Á volta desta excursión, o día 22 de maio, o alumnado de sexto de primaria foi ao museo de Belas Artes onde lles explicaron moitas obras de arte e coñeceron moitos datos sobre diversos artistas. Faláronlles sobre o realismo,o figurismo e o abstractismo.

Por outra banda, o día 25 de maio o alumnado de infantil fixo unha visita ao Aquarium Finisterrae da Coruña. Alí aprenderon moito sobre a fauna mariña da nosa contorna e viron de cerca o que se esconde nos fondos mariños.

Para rematar, o día 29 de maio, o alumnado de quinto e sexto de primaria fixo o itinerario "Quen é quen?" polas rúas do centro da Coruña. Nesta saída lles explicaron parte da historia da nosa cidade e coñeceron datos curiosos como cal é o edificio mais antigo da nosa ciudade ou cales eran os nomes das primeiras rúas.

II Certame de Cinema na Escola

Este ano o alumnado de 6º participou  no II Certame de Cinema na Escola coa curtometraxe " A Taquilla".

Esta iniciativa, levada a cabo polo concello da Coruña, persegue converter a cada neno e nena en verdadeiro protagonista da aprendizaxe, xa que cada participante é capaz de desenvolver os seus talentos, traballar en equipo, desenvolver a súa creatividade, aprender, expresar emocións e contar historias en galego.

Despois duns meses de esforzo e  traballo a semana pasada chegou o día da Gala e... non podemos estar máis contentos/as:

• 1º premio en interpretación,
• 1º premio do público,
• 2º premio mellor guión,
• 2º premio mellor son.

Noraboa rapaces e rapazas!

A Taquilla

AXUDAS FONDO SOLIDARIO LIBROS DE TEXTO E MATERIAL ESCOLAR. CURSO 2023-2024

O pasado venres publicouse no DOG a Orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/2024.

O prazo para a entrega de solicitudes será do 20 de maio ata o 21 de xuño de 2023, ambos incluídos.

Modo de presentación:

- De xeito presencial: na secretaría do centro.

- De xeito informático: empregando os formularios normalizados dispoñibles na aplicación Fondolibros. Unha vez cubertos todos os datos deberán gardala, obtendo así o número de solicitude, e posteriormente poderán optar por presentala ou ben no centro ou a través da sede electrónica da Xunta de Galicia.

A solicitude será única para todos os fillos/as admitidos no mesmo centro.

Cando o alumnado, no momento de presentar a solicitude, aínda non estea admitido en ningún centro docente para o curso 2023/24, deberá presentala no centro en que estivese matriculado no curso 2022/23. 

O alumnado de 6º de educación primaria deberá entregar a solicitude no IES no que teña obtida a praza para o curso 2023/2024.

Para ser beneficiario do banco de libros é condición indispensable ter devolto os libros de texto adquiridos coas axudas do curso 2022/2023.

DOCUMENTACIÓN A PRESENTAR 

ANEXOS 

PRAZOS 

 

LETRAS GALEGAS 2023

O 17 de maio é a festa da lingua galega, unha celebración institucionalizada pola Real Academia Galega que chega á súa 60 edición rendéndolle homenaxe ao tradutor, novelista, historiador, periodista, ensaísta e editor Francisco Fernández del Riego.

Francisco naceu en Vilanova de Lourenzá (Lugo) o 7 de xaneiro de 1913. Era o primeiro dos once fillos e fillas que tiveron Vicente e Amada.

Os estudos primarios e os primeiros cursos de bacharelato fíxoos en Lourenzá e rematou o bacharelato como interno nun colexio de Monforte de Lemos. Aos dezasete anos Francisco marchou cos seus pais e irmáns a Madrid e matriculouse na facultade de Dereito da Universidade Complutense. Ao volver a Galiza rematou os estudos de Dereito, deu clases en dous colexios de Vigo e traballou nun bufete de avogados desta mesma cidade.

Foi un gran traballador polo idioma galego: escribiu en moitos xornais e revistas, fundou a Editorial Galaxia, presidiu a Fundación Penzol, dirixiu a revista Grial, traballou na BBC (emisora inglesa) facendo programas en galego, foi membro da Real Academia Galega e presidiuna durante catro anos... Tamén escribiu moitos libros: Danzas populares galegas, Historia da literatura galega, Galicia no espello, O Camiño de Santiago, A pesca galega de mar a mar, etc.

Francisco recibiu as Medallas de Ouro de Galicia e a de Castelao e foi precisamente el quen propuxo a creación do Día das Letras Galegas, para homenaxear ás persoas que defenderan o idioma e a cultura galega.

No Colexio traballamos a reo para conmemorar o noso día, deixámosvos coas imaxes.  

EDUCACIÓN INFANTIL

EDUCACIÓN PRIMARIA