sábado, 29 de decembro de 2018

Parabéns aos peques que cumpriron anos en novembro e decembro

O mes de novembro tivemos de aniversario a Julio que cumpriu 3 aniños, puxemoslle unha coroa e despois cantámoslle para celebralo, sopramos a vela, comimos tarta de chocolate, tivemos bigotes de chocolate do rica que estaba a tarta...en resumen,  pasámolo xenial.


O mesmo lle sucedeu a Martín que cumpriu 4 aniños e os seus compañeiros desfrutaron a tarta e botaron unhas risas coa canción. Podedes observalo nestas fotos.


O mes de novembro foi moi fructífero xa que Emily e Ismael de 6º de infantil cumpriron 5 anos e Yael e Maykel de 1º de primaria cumpriron 6. Todos eles coas súas coroas e as súas celebracións sentíronse moi especiais neste día tan importante para todos eles.




E o rei de decembro foi Ismael de primeiro.




PARABÉNS PARA TODOS!!!!!





luns, 24 de decembro de 2018

Felices Festas

Para estas festas desexámosvos:
Un corazón para COMPARTIR,
unha boca para SORRIR
e uns ollos para a ESPERANZA.

Felices Festas e próspero aninovo.



Festival de Nadal

Que ben o pasamos con todas as actuacións que os pequenos/as prepararon para este Nadal.
Esperamos que desfrutárades tanto coma nós preparándoas.












martes, 18 de decembro de 2018

O noso nome

Os nenos e nenas da clase de 4º de E.Infantil estanse achegando ao texto escrito a través do nome,  xa que é un texto significativo para eles e ten unha gran carga afectiva.
Fixemos diversas actividades nas cales podían manipular, experimentar, sentir, comparar e por suposto desfrutar aprendendo. 

Dende o comezo do curso pasábamos lista, onde cada nome estaba escrito nun fondo de cor para facilitarlles o recoñecemento tanto do seu nome como dos compañeiros e posteriormente pasamos a ter os nomes nun fondo branco, a dificultade aumentaba pero a diversión tamén.....


A nosa caixa máxica

Comezamos recoñecendo a nosa inicial e facendo maxia cos nosos dedos, escribiamos a nosa letra,  moviamos a caixiña e xa non estaba...ohhhh pero si eran capaces de facer maxia !!Ademais algúns , os máis lambóns , tamén aproveitaban a probar o azucre e en canto se deron conta do rico que estaba a actividade xa empezaba a variar e a traballar o gusto tamén.




A máquina dos nomes

Todos os días tiñamos que estar moi atentos porque na nosa pizarra podía aparecer a nosa foto en calquera momento...e que pasa se aparecía a nosa foto? Tiñamos que levantarnos, ir á pizarra, buscar o noso nome, elexir a cor do rotulador,  intentar escribir o nome, ler e despois borrar. Que alegría cando aparecía o noso nome...



Posteriormente realizamos un montón de actividades para recoñecer o noso nome, o dos compañeiros, levar cada nome coa súa foto, recoñecer cal era a primeira letra que tiñamos, que letras coñecíamos nos nomes, como soaban e para iso deixámosvos unhas fotos para que poidades percibir que ben o pasamos e canto estamos aprendendo...








Creo que non cabe dúbida de como nos puxemos con esas galletas en forma de letra, coas cales podiamos poñer o noso nome. Para os mais larpeiros foi dificil controlarse, ata lles costaba concentrarse con tantas ganas de levalas á boca e como non, algún pasouno en grande comendo as letras, pero o nome de galletas non o chegamos a ver...



mércores, 12 de decembro de 2018

Recomendacións para o Nadal e o inverno

Estas son as recomendacións de Tico para as festas de Nadal e para ler no frío inverno. Todos os que queirades ler estes libros, pasade pola biblioteca e Tico estará encantado de vervos.



martes, 11 de decembro de 2018

Tempo de lecer na biblioteca

Un curso máis, algúns dos nosos alumnos de Primaria elixen a biblioteca para pasar un bo rato nos recreos chuviosos. Temos os que lles gustan os crebacabezas, os que elixen un libro para entreterse, os que realizan actividades plásticas coa plastilina ou debuxando e os que xogan o "Gota a Gota", a "Cifras e Letras" ou ao Tres en Raia.

























Como podedes ver a biblioteca é todo un éxito.



venres, 30 de novembro de 2018

A nosa Hortiña

Este ano como novidade, dentro do proxecto "Escoita a nosa Terra", contamos cunha horta nos aledaños do Ágora.

O que se pretende é que os nosos/as alumnos/as apredan a respectar o traballo no campo e , máis sinxelo todavía, que aprendan a ter paciencia e unha boa actitude no tempo de espera. En pleno s. XXI os/as nenos/as están acostumados á inmediatez e, as veces, cando non consiguen o que queren  rapidamente, frústranse.

Na natureza non é así, todo acontece lentamente e, as veces, todo o traballo vaise pola borda en cuestión de segundos.

Os primeiros en ir foron os alumnos/as de 5º e 6º curso que aprenderon  a traballar a terra, descubriron a importancia dos insectos e plantaron repolos, cebolas, grelos, berzas e brécol.

Agora, toca esperar...




Todos aqueles que o desexen poden visitar a nosa horta ubicada diante do centro Ágora 


xoves, 29 de novembro de 2018

25 DE NOVEMBRO

O domingo celebrouse o día  mundial contra a violencia de xénero, por iso o noso centro como "Espazo libre de violencia" temos o firme compromiso de educar ao noso alumnado baixo uns valores de igualdade, tolerancia, respecto hacia os demais e xustiza.


















Porque elas e eles son o futuro.

mércores, 21 de novembro de 2018

O nosos dereitos

As nenas e nenos de cuarto e sexto de infantil celebraron o día da infancia con diferentes actividades.


Por un lado, os peques de 3 falaron sobre algúns dos dereitos que teñen como o dereito a ir a un médico para que os curen, dereito á educación para poder ir a un cole e aprender moitas cousas , dereito a xogar...  Chloe dicíanos que xa non tiña catarro porque o médico lle axudara a curalo.


Ademais elaboraron o seu propio xoguete, reciclando material, e así poder divertirse xogando. Cun vaso de iogur e un anaco de la e plastilina realizaron un dos xogos tradicionais máis populares no noso cole.




Debían intentar meter dentro do vaso a boliña, ou facela bailar, ou darlle pequenos botes simulando un ioió...deixando voar a imaxinación de cada nen@ e as súas posibilidades. Que ilusión lles fixo ver o resultado final do proceso!!


                                         


Por outro lado, os nenos e nenas de 5, ademais de falar tamén dos seus dereitos realizaron un fermoso mural. Aquí podedes ver o resultado final e a satisfaccións dos nen@s do traballo realizado.







Tamén viron un video dun guiñol que lles explicaba os seus dereitos e deberes e aprenderon unha canción sobre os dereitos universais dos nenos. Deixamos os enlaces por se queredes desfrutar deles na casa.





Todas as nenas e nenos deben xogar e divertirse xa que é a base para o seu desenvolvemento. Os xogos fomentan o desenvolvemento físico e intelectual do pequeno, potencian a súa creatividade e prepáraos para vivir nunha sociedade con regras e normas. As actividades lúdicas tamén aseguran que as nenas e os nenos teñan unha infancia saudable a nivel físico e emocional. Por iso é tan importante que todos xoguen con outros nenos e nenas do seu entorno.



martes, 20 de novembro de 2018

Xogando coas decenas

A decena é un concepto abstracto das matemáticas que polo xeral é difícil de entender para os nenos e nenas de seis anos. É por isto que durante o último mes levamos feito diferentes actividades manipulativas coas cales os nenos e nenas van interiorizando este concepto. Hoxe, para celebrar o día da infancia realizamos unha destas actividades con globos. Pasámolo moi ben xogando coa plastilina e cos globos ao mesmo tempo que imos aprendemos e entendendo o que é unha ou dúas decenas e ademais deste xeito, tamén traballamos a motricidade fina.


Aquí podedes ver algunhas das fotos desta sesión e doutras que fixemos ao longo deste último mes.





Intelixencia lóxico-matemática

Traballamos a intelixencia lóxico- matemática ao mesmo tempo que xogamos. Parécenos que soamente estamos xogando, pero ademais estamos a aprender moitas cousiñas: clasificamos segundo a cor, buscamos pezas que sexan iguais para que se manteña o equilibrio, intentamos buscar pezas que  poidan entrar polos ocos...

Ademais introducímonos no mundo da robótica. Axudamos ao noso ratonciño a que chegue ao lugar indicado, tiramos o dado, contamos cantos círculos saíron e buscamos o número que representa na base.  Unha vez que o atopamos, contamos cantos cadrados ten que andar o noso ratonciño para chegar ata el. É moi divertido e estamos moi atentos a ver se chega ou necesita que lle volvamos a axudar. Cada vez que chega, necesitamos expresar as nosas emocións cun aplauso xigante. 


Tamén xogamos a introducir as pezas. Nesta situación, simplemente se lles deron as pezas e as bandexas e eles mesmos descubriron que uns pauíños podían levar máis pezas e outros menos, acadando un dos obxectivos da actividade, ao mesmo tempo que se traballaba a motricidade fina. 
Por outra banda, ofrecémoslles pompóns, e coa pinza debían metelos dentro do vaso intentando que cada vaso tivese un pompón.  Unha vez alcanzado iso,  xa lles íamos indicando a cantidade que debía haber en cada vaso, desta forma traballamos diferentes conceptos como as cores, dentro-fora, cantidade, asociación número e cantidade e a motricidade fina entre outras. 


Coñecimos e xogamos coas regletas de Cuisenaire. Os nenos/as descubriron e manipularon as distintas regletas segundo os seus tamaños e cores. Puideron ver como algunhas eran iguais, outras máis pequenas ou máis grandes, xogaron con elas a facer serpes, series grande-pequeno,  clasificáronas segundo as cores, puideron ver que cada cor tiña o mesmo tamaño...ao mesmo tempo que estaban aprendendo. 



A intelixencia lóxico-matemática é un dos tipos de intelixencia descritas polo psicólogo Howard Gardner, e podemos decir que  é a capacidade de razoar para resolver problemas relacionados cos números e as relacións que se poden establecer entre eles.  Grazas a esta intelixencia somos capaces de pensar de foma máis ou menos coherente e razoar lóxicamente. 

sábado, 17 de novembro de 2018

Lecturas de outono

Aproveitando o bo tempo destes días, o mércores baixamos con Tico ao parque das Pontes.

Alí os/as alumnos/as de 5º e 6º de primaria léronlles, aos peques de infantil; poesías, adiviñas e cancións relacionadas co outono.

Tamén os/as alumnos/as de 6º de infantil recitaron unha fermosa poesía.









Para rematar a saída, os peques de infantil estiveron xogando e recollendo follas do outono para realizar máis actividades nas súas aulas.



E o xoves tocoulle o turno a 1º e 2º de primaria que demostraron os seus avances na lectura.
Para finalizar  descubriron no parque cales eran as árbores de folla caduca e perenne e recolleron as súas follas marróns e amarelas.