7 de abril Día mundial da saúde

O 7 de abril celébrase o Día Mundial da Saúde en recoñecemento á saúde como un dereito básico e universal.  Esta data foi a elixida porque xustamente no ano 1948 fundouse a Organización Mundial da Saúde (OMS) ese mesmo día.

Este ano nos coincide nas vacacións de Semana Santa, pero antes de marcharnos a descansar e recargar enerxías para o último trimestre, estivemos recordando e celebrando esta data tan importante.

Este curso, ademais de recordar a importancia de manter unha boa hixiene para estar sans, estivemos traballando a nosa autoestima e a nosa saúde emocional, a través de diferentes actividades e coa lectura e reflexión do conto de Anna Llenas, " La joya interior". 

Aquí podedes ver algunhas desas actividades.

Consideramos que neste tempo de tanta tecnoloxía e na que o mundo avanza tan rápido, é imprescindible pararse de vez en cando e desfrutar coa familia de pequenos momentos de calma, de xogo ou dun paseo pola natureza para mellorar a nosa saúde tanto física como emocional.

Pequenos momentos de calma para desfrutar en familia (pulsa neste enlace).

 

 Desexamos que esteades desfrutando dalgún destes momentos nestas vacacións!

PROXECTOS

É ben sabido por todos que o traballo por proxectos motiva aos nenos e nenas de cara a aprendizaxe, estimula a súa curiosidade e fainos máis creativos e autónomos. Aínda que con algún cambio por mor desta pandemia, durante este trimestre os nenos e nenas de Primaria do colexio Cid desenvolveron algúns proxectos. 

Deixámosvos unha mostra dalgunhas das actividades deses proxectos:

Observaron moi de preto como funcionaban os animais sociais. Por un lado, aprenderon a función da raíña dentro do formigueiro e os coidados que recibía das formigas que estaban sempre con ela e, polo outro, viron como foron facendo a transformación os cágados e como tiveron que variar a alimentación dentro do proceso. No último cambio tiveron que trasladalos a un estanque natural.

Tamén coñeceron as partes dunha flor a través da súa disección.

E realizaron incribles maquetas para coñecer os sentidos.

Construiron tamén outro tipo de maquetas para entender un pouquiño mellor a xeometría e os corpos xeométricos.

Ademais coñeceron o mundo das Olimpiadas e a súa Historia a través de diferentes actividades. Unha delas foi unha charla coa ex ximnasta rítmica Marta Bobo, que participou nas olimpiadas do 1984 en Los Ángeles.

Outros nenos e nenas realizaron diferentes actividades dentro do proxecto "O cociñeiro Martiño". Cos contos de "O Cociñeiro Martiño", "O cociñeiro Martiño e as cenorias desaparecidas", de Iago López, e outros contos dos Bolechas de Pepe Carreiro, os cales usaron de fío condutor, aprenderon contidos da Lingua Galega e de Ciencias Naturais.

Ademais de aprender moitas cousas sobre os cociñeiros, tamén se converteron en periodistas e realizaron unha entrevista a un familiar para coñecer como se cociñaba no pasado e as receitas favoritas dos nosos ancestros. 

Ao igual que facía Martiño nos dous contos, plantaron sementes de leitugas, millo e xirasol e tamén observaron como creceron e as dificultades que tiveron algunhas plantas para brotar e medrar.

Relacionado coas hortas e as plantas aprenderon a canción na Horta de Balbina e analizaron as súas rimas coñecendo o que eran os versos e as estrofas.

Deixamos o enlace por se queredes repasala durante o verán que sabemos que vos gustou moito:  A horta de Balbina

Unha das últimas actividades que fixeron pero non a menos importante foi a construción dun forno solar. Para facelo utilizaron materiais de refugallo e un pegamento natural feito con auga e fariña.

Con el traballaron o método científico e realizaron hipóteses que comprobaron despois de experimentar con el.

Para rematar o proxecto visitaron as Ecohortas municipais do Agra do Orzán no que aprenderon un poquiño máis sobre os distintos tipos de plantas aromáticas, ornamentais e comestibles e sobre as distintas ferramentas que utilizan os labregos e labregas de Coruña.

Como xa diciamos ao principio da entrada, estas son unha mostra dalgunhas das actividades que se realizaron neste terceiro trimestre pero ao longo do curso realizáronse moitas máis nas que todos os nenos e nenas do Colexio Cid aprenderon moitísimo e se divertiron con elas.

Dende aquí queremos felicitar a todos os peques e non tan peques do cole pola súa paciencia e valentía neste curso tan estrano e especial.

Para o vindeiro curso continuaremos programando máis actividades para aprender moito máis.

Descansade moito pero con sentidiño!!!!!

Adeus ó primeiro trimestre de Educación Infantil

 Ola familias!!

Durante o primeiro trimestre estivemos traballando moito, por iso queremos compartilo con vós para que poidades ver algunhas das actividades que se levaron a cabo na aula. Foron auténticos heroes e heroínas pois as dinámicas cambiaron moito e adaptáronse moi ben.  

Nestas actividades poderedes ver como realizaron tarefas de lóxica-matemática, conceptos abstractos, lecto-escritura, manipulación sensorial, elementos naturais, cantigas e bailes, psicomotricidade fina e mooooooooooooooooita ilusión. 

Esperemos que desfrutedes tanto coma nós...

                                               ( Dádelle doble clic e accededes o vídeo)

   Un saúdo das mestras de Educación Infantil 

As nosas plantas: as patacas.

Este trimestre os nenos de 1º e 2º realizamos un proxecto en común con algunhas variacións segundo os diferentes contidos que temos que aprender en cada clase pero cun mesmo sentimento: aprendimos moito e pasámolo xenial durante todas as actividades.

Comezamos o noso proxecto plantando cada clase as súas propias patacas e coidando as nosas fresiñas que plantamos o curso pasado.

Despois poidemos comprobar moi de preto as diferentes partes das plantas e a diferencia entre o talo dun arbusto e dunha herba ademais de coñecer diferentes árbores frutais de folla perenne.

Despois aprendemos máis vocabulario en galego sobre as diferentes árbores de Galicia coa canción de Paco Nogueiras "Cós pés na terra".

Ademais os nenos de segundo estamos a aprender o que é un adxectivo así que por parellas traballamos a memoria coas tarxetas das plantas e tivemos que dicir adxectivos que describían as diferentes follas e talos das distintas plantas.

A continuación coñecimos o que eran os animais herbívoros e aprendemos a clasificar os animais segundo o que comen e segundo o lugar onde viven. 

Como os animais nos encantan aproveitamos a traballar as descrición destes tanto en galego como en castelán e os nenos e nenas de segundo continuamos traballando o adxectivo pero esta vez relacionados cos animais.

A continuación realizamos a visita a fábrica de Bonilla no polígono de Sabón. Alí aprendemos como se transforma as patacas que compramos ou plantamos nas patacas fritas que tanto nos gustan!!!

E coas patacas fritas que tanto nos gustan realizamos problemas matemáticos. Nas seguintes fotos podedes ver como representamos eses problemas e nos seguintes enlaces podedes descargar os problemas se queredes practicalos de novo.

Problemas patatas fritas primero

Problemas patatas fritas segundo

Por suposto cando rematamos de comer as patacas botamos a bolsa de plástico na contedor correspondente.

Tamén utilizamos as TICS e visionamos un capítulo de Bing que nos vale para aprender a resumir, ademais de desfrutar moito destes debuxos tan educativos. Deixamos o enlace por se queredes desfrutalo de novo cos vosos peques na casa.

https://www.rtve.es/infantil/serie/bing/video/patata/3898856/

Para rematar o noso proxecto aprendimos a importancia de comer verduras e froita todos os días porque nos dan moitas vitaminas. E como os nenos e nenas deste cole son moi curiosos e queren aprender moitas cousas, un deles preguntou que vitaminas nos daban as patacas, así que buscamos esta información en internet. 

 E coma nos gusta moito a música aprendimos outra canción: "Na horta de Balbina" do grupo María Fumaça na que traballamos as rimas e aprendemos as vitaminas que nos da a froita e a verdura.

A horta de Balbina

Xa vedes canto aprendemos e desfrutamos no colexio Cid.