Estimadas
familias:
O pasado mércores, día 15 de abril, en reunión da
Conferencia Sectorial de Educación, o Ministerio de Educación e Formación
Profesional achegou ás Comunidades Autónomas un documento base para a
publicación dunha norma que regule as directrices para o desenvolvemento do
terceiro trimestre do curso 2019-2020 e o inicio do curso 2020-2021.
Actualmente estamos á espera de que a Consellería
de Educación dite unhas instrucións definitivas para os centros de Galicia xa
que o Ministerio de Educación aínda non publicou a normativa estatal
correspondente.
Dende o centro seguiremos apoiando ás familias e
ao alumnado e propoñendo actividades
educativas de reforzo, apoio, repaso, lúdicas… para continuar co
desenvolvemento educativo. Realizarase un seguimento das tarefas pero non tedes
de que preocuparvos, as mestras indicarémosvos como, cando e cales nos debedes
enviar.
Coa finalidade de axudar ao alumnado a organizar
as súas actividades escolares, autorregular a súa aprendizaxe e manter un bo
estado emocional tod@s as mestr@s sen esquecer a nosa mestra de apoio manteremos
videoconferencias e contacto polo chat da aplicación Tokapp School e/ou polo correo electrónico. Recibiredes
indicacións e ante calquera dúbida podedes pórvos en contacto coa titora ou co
centro.
Seguiremos manténdovos informados ante calquera
cambio.
Sairemos desta situación, ánimo e moita saúde.
Ningún comentario:
Publicar un comentario