O 5 de xuño celebramos o día do Medio Ambiente

Como cada ano, o 5 de xuño facemos especial fincapé no día do Medio Ambiente, para non esquecernos de que esta labor é do día a día.  

O noso planeta está sufrindo moito,  debido aos actos dos que vivimos nel e é por iso que debemos reflexionar para  salvar o noso planeta, as nosas vidas e que mellor, que facelo dende os primeiros anos de vida.

Para conmemorar o día: 

- Os máis pequenos poideron ver onde vivían, e como había que facer para coidar o noso planeta. Poideron ver como os plásticos rematan moitas veces no mar e o dano que lle fan ós animais mariños. Para iso contribuiron a sacar plásticos e ver como debe estar o mar e a onde hai que tirar os plásticos. 

Ademais investigamos como podía crecer unha planta e que coidados necesitaba, e que mellor forma de aprender, que vivindo a experiencia, polo que plantaron unha faba na súa maceta do planeta Terra. Con moita responsabilidade, levárona para ás súas casas e ahí comprometéronse a coidala moito. 

Observamos distintos animaliños e coñecemos a importancia que teñen, ata o máis pequeno, para ter un ecosistema equilibrado. Tamén observamos o noso planeta coa súa auga e a súa terra e gozamos coloreando e explorando as posibilidades da mezcla de cores do noso Planeta.

 

Transplantamos unha árbore e coñecemos as necesidades das árbores e a importancia da terra e dos seus nutrientes. Tamén aprendemos que non só temos que coidar aos animais e ás plantas, senón tamén a terra que pisamos.

Outros saíron á rúa para lembrar a importancia de reciclar. 

Tamén se fixeron xoguetes reciclados, para concienciar dos posibles usos que se lle poden dar aos envases. 

Mediante un xogo recordamos a importancia de distribuir os residuos nos contedores adecuados para o seu tratamento e repasamos a clasificación en materia orgánica ou inorgánica.

 

Procuremos sempre que os nosos actos deixen unha pegada verde no noso camiño.