O Nadal

Aproveitamos estes días de lecer para ensinarvos parte do traballo realizado as últimas semanas de clase co centro de interese do Nadal.

Os peques de Educación Infantil durante todo o mes de decembro realizaron distintas actividades e manualidades traballando a lateralidade, psicomotricidade, trazos, conteo, letras...e sobre todo reforzando a axuda e o compañeirismo.

Despois de semanas de ensaios presentamos as nosas actuacións ás familias no gran escenario do centro sociocultural Ágora. 

E por último, pero non menos importante, celebramos a festa de Nadal no cole coa visita de Papá Noel incluida e ensaio da despedida ao ano 2019 coas uviñas da sorte.

Dende o equipo directivo e o claustro de mestres do CPR CID desexámosvos que esteades a pasar unhas felices festas.