Saídas escolares marzo-abril-maio 2024

Saída de 4º EP á Compañia de Tranvías

 

O día 13 de marzo o alumnado de 4º de Educación Primaria visitou a Compañía de Tranvías de A Coruña. Nesta saída, puideron coñecer a evolución histórica do autobús na nosa cidade e o seu funcionamento.

 

Tamén afondaron nas normas de seguridade viaria e visitaron as diferentes zonas do taller, onde lles explicaron algunhas curiosidades e mantementos dos buses. Ademais, fixeron un experimento na cámara de pintura que facilitou entender o fenómeno da presión atmosférica.

 

Antes de volver ao colexio, pasaron polo túnel de lavado dentro dun autobús. Foi unha saída na que aprenderon moito!

 

Saída de 1ºEP  ao Castelo de San Antón

O pasado 11 de abril, os nenos e nenas de primeiro visitaron o Castelo de San Antón. Cargad@s de emoción e ilusión, aprenderon unha chea de curiosidades deste Castelo, como os cambios que sufriu ao longo do tempo: pasando de ser unha parte importante da vixilancia da cidade a un cárcere; e finalmente, un dos nosos museos máis importantes.  

Aprenderon sobre Xerión e Hércules, sobre diferentes épocas da historia e dalgúns “tesouros” que alí se gardan. Pero, sen dúbida, o que máis lles gustou foi …o “pozo dos desexos”!

Foi unha mañá soleada e cargada de experiencias marabillosas. Pasámolo xenial!

Saída de 3° EP a Casa Picasso

En pleno ensanche coruñés, no segundo piso da rúa Paio Gómez, flanqueada por dúas das prazas máis importantes da cidade como son Praza Pontevedra e a Praza de Lugo, viviu entre 1891 e 1895 a familia Ruiz Picasso co seu fillo Pablo. Este chegaría a ser un dos pintores máis destacados do século XX. Visitamos todas as dependencias do piso, desde o dormitorio ata o seu ligar favorito para pintar e os utensilios que utilizou. Despois pasamos un bo rato facendo as nosas propias esculturas cubistas combinando os paneis que nos ofreceron.

Saída de 1º EP ao Museo de Belas Artes

O día 13 de maio, a rapazada de 1º de Educación Primaria visitou o Museo de Belas Artes da cidade, un dos espazos culturais máis destacados de Galicia.

Alí aprenderon cales foron as orixes dos primeiros retratos, características das obras de artistas, como  Luís Seoane, e sobre todo, a relevancia dos museos para coidar a memoria da nosa historia. Foi unha mañá moi especial, onde aprendemos moitas cousas interesantes. Que bela é a arte! E cantos artistas hai no noso cole!

 

Saída de 4º EP a Casa das Ciencias

O día 13 de maio, o alumnado de 4º de Educación Primaria tivo a oportunidade de visitar a Casa das Ciencias. Durante a excursión, estiveron nas distintas plantas do museo, onde puideron adquirir novos coñecementos a través da experiencia. Ademais, gozaron dunha sesión no planetario sobre os exoplanetas. Foi unha xornada enriquecedora que espertou a curiosidade do estudantado e reforzou os coñecementos adquiridos na aula.

DÍA INTERNACIONL CONTRA O ACOSO ESCOLAR

 O día 2 de maio celebrouse o día internacional contra o acoso escolar.

O acoso escolar é unha triste realidade entre os nosos nen@s e moz@s que debe preocupar aos centros educativos e ás familias.

O acoso, tamén coñecido polo termo bullying, consiste na marxinación ou abuso de poder dun ou máis estudantes contra outro. Un tema delicado, que adoita ser minimizado ou silenciado, presente dentro e fóra das aulas, xa que fóra do ámbito escolar tamén se dan situacións de acoso escolar (rúas, parques, autobuses), ou a través de Internet (redes sociais, plataformas de videoxogos, chats, grupos..)

Case sempre, é realizado por un ou varios alumnos en grupo con testemuñas que observan, pero poucas veces interveñen por medo a recibir o mesmo trato ou a ter problemas. Entre as testemuñas podemos contar con compañeiros, profesores, comedores, etc.

Entre os tipos de acoso que sofre a vítima destacan o acoso psicolóxico (medo, soidade, baixa autoestima...), verbal (burlas, insultos, ameazas...), social (exclusión, discriminación), material. (roubo ou destrución de pertenzas do fogar vítima), sexual e, coa popularización das redes sociais, ciberacoso.

Dende o noso colexio quixemos contribuír contra isto e ademais de explicar a todo o alumnado o punto laranxa que temos no cole, aproveitamos que un grupo de estudantes con NEAE propuxera unha actividade para realizala todo o colexio. Ésta consistía en facer visionado de vídeos e despois escribir nun papel aquelas palabras feas que non nos gustan recibir nin dicir. Despois, estes papeliños arrugaronse e botaronse no lixo debuxado por eles. Aquí vos deixamos a mostra en fotos do ben que o fixemos tod@s!

                                       

Tanto as familias como os centros educativos somos  os responsables da boa educación dos nen@s, así como da prevención, detección e corrección das condutas abusivas. Polo tanto, é necesaria a colaboración mutua.

Día do libro 2024

 Un ano máis celebramos o día do libro. 

Todos sabemos que a lectura é a base de todo. É importante para todos/as e sobre todo, para nenos/as xa que aporta innumerables beneficios cognitivos como a mellora da concentración e da memoria, a adquisición de vocabulario necesaria para mellorar a nosa comunicacións cos demais e mellora a nosa flexibilidade mental e creatividade necesaria para solucionar os diferentes retos e problemas que van aparecendo no noso día a día. 

Ademais aporta tamén beneficios emocionais como axuda a reducir o estrés, nos fai máis empáticos e empáticas cando recoñecemos as emocións nas distintas personaxes e nos axuda a coñecernos mellor.

Por todo isto nos parece moi importante que atopemos momentos de lectura en familia. Deixamos algúns consellos para fomentalos: 

• Somos modelos dos nosos nenos e nenas así que é importante que nos vexan ler e debemos fomentar neles o interés polos libros e a lectura.
• Poñer libros ao alcance que respondan aos seus intereses
• Ir con eles á biblioteca e lerlles contos.
• Invitarlles a crear a súa biblioteca.
• Habilitar un espazo para gardar os libros.
• Encontrar un lugar agradable para ler.

No colexio realizamos diferentes actividades como a visita de contacontos e autores de libros lidos nas aulas e un intercambio de libros das nosas casas entre outras moitas. 

Aquí tedes a demostración destas e doutras actividades realizadas a semana pasada:

Moitísimas gracias ao contacontos e escritor David Rodríguez pola súa divertidísima visita e noraboa a Nayla Orrego Mantilla polo seu deseño do marcapáxinas gañador deste curso.

AXUDAS PARA BECAS COMEDOR 2024/2025 DE CONCELLO DE A CORUÑA

Informámosvos que o día 17 de abril abrirase o prazo de solicitude de Bolsas comedor para o curso 24/25 do Concello de a Coruña.

Lembrade que realizar esta solicitude é un requisito indispensable para, posteriormente, poder solicitar a través do noso departamento outras bolsas procedentes de entidades privadas como Educo.

O prazo rematará o día 8 de maio.

Podedes obter máis información premendo na seguinte ligazón:

BECAS COMEDOR CONVOCATORIA 2024

Quedamos á vosa disposición para calquera dúbida ou suxestión.

Recoñecemento como centro referente dos dereitos da infancia por Unicef

 O pasado venres 22 de marzo recibimos a visita de Marta e Ana para explicarnos a importancia que ten ser centro referente en dereitos da infancia e coñecer todo o traballo que fai Unicef especialmente na defensa dos nenos e das nenas de todo o mundo.

Algúns dos nosos alumnos e alumnas tamén participaron e nos deron a coñecer como funciona a Educación no seu país de orixe e do que poden facer eles polos dereitos da infancia. Unhas destas alumnas son dúas nenas de quinto de primaria que se animaron a participar no consello local da infancia de Coruña e recibiron o recoñecemento de Unicef no nome de tod@s @s compañeir@s do colexio.

Información sobre o Cliac

É importante que aprendan dende pequenos a que poden alzar a súa voz  dende o respecto e reivindicar os seus dereitos. Os nenos e nenas da nosa cidade poden trasladar a voz de infancia ás políticas públicas do Concello.

Tamén tivemos durante unhas semanas unha exposición sobre os dereitos da infancia para coñecer un pouco máis sobre eles e así poidan entender a importancia de defendelos.

Moitísimas gracias a Marta e a Ana pola súa visita. Esperamos que nos poidan volver a visitar para aprender máis sobre Unicef e coñecer todo o que poden facer por nós  e por mellorar a sociedade na que vivimos.

8 Marzo Día da Muller 2024

O 8 de marzo conmemora a loita das mulleres ao longo da historia e busca recoñecer os logros que acadaron no mundo. Tamén é un día para reflexionar sobre problemas como a violencia machista e concienciar sobre a desigualdade á que se seguen enfrontando as mulleres na actualidade.

Desafortunadamente, esta data tamén nos indica que hai lugares nos que, en pleno século XXI, as mulleres  seguen sen ser escoitadas e aínda se lles impide alcanzar todo o seu potencial, xa que dereitos básicos como o acceso á saúde e á educación seguen sen ser recoñecidos.

Conscientes da importancia desta data para visibilizar as loitas e reivindicacións das mulleres, o alumnado do Colexio Cid reflexionou sobre temas como o feminismo, as desigualdades de xénero, a violencia de xénero e a situación da muller no mundo.

O alumnado de 5º e 6º de EP redactou e leu un manifesto para rebelarse contra as desigualdades e loitar pola participación, o recoñecemento e o empoderamento das mulleres en tódolos ámbitos da sociedade.

 A escola uniuse para reivindicar os dereitos das mulleres a ser diferentes e diversas, a vivir sen medo, o dereito a igual traballo  igualdade salario, o dereito a vivir libres de estereotipos sexistas e a decidir sobre o seu corpo.

 

Cada neno e nena do colexio fixo o seu debuxo ou escribiu a súa frase reivindicando a igualdade de oportunidades e dereitos para todas as persoas, independentemente do seu sexo. Plasmou a súa man para dicir que aínda queda moito por percorrer, pero que seguiremos loitando por un mundo de igualdade e xustiza para todos!

 

Neste día da muller, nos nos esquecemos da escritora Rosalía de Castro, poeta e referente absoluto da cultura galega, na que o 23 de febreiro, data do aniversario do seu nacemento, quixemos renderlle homenaxe con este mural.