CELEBRAMOS O DIA DO MEDIO AMBIENTE

O 5 de xuño, celebramos o día do medio ambiente. 

En 4º de Educación Infantil falamos sobre como nos está afectando o consumo de plásticos e que debemos facer  para que non contaminen. Por tanto, chegamos á conclusión que debemos reducir o cosumo de plásticos, reutilizar aqueles que se poidan e reciclar o máximo posible. Para tomar conciencia dalgúns usos de reutilización, decoramos as botellas de auga,  aproveitando que estabamos a traballar no proxecto de arte,  facendo un precioso macetero, , no cal plantamos unha faba e agora debemos de regar e coidar con moito amor e cariño para que poida crecer.

Para rematar, vimos como era o proceso de reciclaxe dos plásticos, pois non sabíamos como era e deixounos asombrados ao ver como rematan as botellas de plástico. 

En 5º de Educación infantil falamos sobre que significaba o medio ambiente e que podíamos facer nós por el. Fixemos fincapé no mar en na terra e como estamos a estragalos coas nosas accións.

Coloreamos a nosa Terra, a cortamos e pegamos para facer un puzzle simbolizando o que temos que facer con noso planeta, arranxalo poñendo todo o que cortamos no seu sitio.

Como outro acto simbólico botamos pintura na Terra e cubrímola con plástico para extendela sen mancharnos. A nosa Terra estaba chea de plástico e, de tanto remexer, ronpeunos. Con isto aprendimos que, aínda que no queramos, facemos dano á Terra coas nosas accións e esta, particularmente, foi usar o plástico sen coidado.

  

   Na clase de 5 anos estivemos traballando cas cores dos contedores do lixo , primeiro fixemos unha chuvia de ideas sobre todas as cousas que se poden reciclar e despois  observamos no que se poden covertir , foi unha sorpresa para os peques ver todo o que  se pode reutilizar. Mans a obra decidimos que o noso planeta tiña que estar moi limpo, e como dende o primeiro día do cole estamos reciclando as botellas da auga finalizamos tirándoas no contedor amarelo ( en A Coruña). Despois fixemos algunha actividade para que quedase adquirido en que contedor tiramos o lixo .

  Rematada a primeira proposta cada neno fixo o seu  propio planeta.Quedaron xenial e disfrutaron moito mesturando as cores.

  Tamén cantamos e bailamos coa canción : Los guardianes del medio ambiente.

  Para finalizar realizamos un mural estampando as nosas máns nunha gran árbore  que todos debemos coidar!!! pois como din os máis cativos: NAS NOSAS MANS ESTÁ COIDAR O PLANETA.

Non vos esquezades: reciclade para dar vida ó planeta!!!Reflexionemos

Divermate en primeiro.

Como xa dixemos en máis ocasións, os nenos e nenas motivados aprenden mellor. Por iso nesta ocasión, vos ensinamos algunhas das actividades máis divertidas que fixemos ao longo do curso de primeiro para repasar contidos matemáticos. 

Aquí podedes var aos nenos e nenas no primeiro trimestre saltando no xogo da semente hacia diante e hacia atrás para repasar a suma e a resta, xogando a oca ou con actividades de matemáticas manipulativas.

No segundo trimestre xogamos sobre todo ao bingo e as parellas da descomposición.

E no terceiro trimestre xogamos coas figuras xeométricas, coas monedas e billetes (euros e céntimos) e coa diana para traballar o cálculo mental.

As ciencias e a Domus.

A semana pasada os nenos e nenas de primeiro e segundo visitaron o museo da Domus. Ademais de aprender moitas cousas, pasárono moi ben. Tanto que non querían marchar do museo.

Coas súas preciosas vistas a cidade da Coruña repasamos as características dunha cidade e poidemos observar tamén claramente o que é unha paisaxe de costa.

Despois aprendemos moitas cousas das Ciencias: o ADN, a nosa evolución dende os homínidos, as ferramentas e diferentes especies da Prehistoria e cómo funciona o noso cerebro e as neuronas : RAMON Y CAJAL : Lunnis de Leyenda

 Tamén para recordar o día Mundial do Medio Ambiente, o 5 de xuño, vimos no cine da Domus, uns cantos vídeos para recordarnos que temos que coidar o noso planeta e do perigo do abuso que estamos facendo dos plásticos.

Visita á Torre de Hércules

Os alumnos/as de 6º visitaron, o pasado luns, a Torre de Hércules.
É o faro romano máis antigo do mundo e é o único que se conserva en funcionamento. 
Dende o 2009 é Patrimonio da Humanidade.
Varias lendas relaciónanse con esta construcción pero a máis coñecida é a de Hércules. Este chegou en barca ata a costa de Coruña onde loitou co xigante Gerión. Despois de vencelo no combate, enterrou a súa cabeza no lugar onde está construíada a Torre de Hércules.

Actos de Graduacións e fin das actividades extraescolares

Aproxímase o final do curso e con el os cambios, as despedidas e o final dunha etapa.

Para celebralo o pasado mércores 5 de xuño, celebramos os nosos actos de Graduación e as actuacións e entregas de diplomas das actividades extraescolares. 
Foi unha tarde moi especial en compañía das nosas familias e amigos/as.

Unha vez máis...Grazas por acompañarnos!

Noraboa Graduados/as!

Letras Galegas 2019: Antón Fraguas Fraguas

Este ano o protagonista do día das Letras Galegas foi o historiador e xeógrafo Antón Fraguas Fraguas. No cole fixemos diferentes actividades para coñecer un pouquiño a súa figura e tamén para poñer de relieve a nosa cultura e idioma.

Na clase de 4º de Educación Infantil aprenderon ademais a situar Galicia no mapa de España e coñeceron os traxes típicos rexionais galegos, aos cales, Antón Fraguas adicou tempo nas súas investigacións.

Os nenos de 5º de infantil coñeceron a Antón Fraguas Fraguas e coñeceron un pouco da súa vida e a súa obra.

Da súa obra nos quedamos coa poesía de "Eu pedinlle leite á vaca", a aprendemos e traballamos sobre as vacas, as súas partes, que fan por nós e que nos dan.

Os pícaros e pícaras de 5 anos traballaron moito unhas semanas antes do gran día de Galicia. Comenzaron con forza falando e chapurreando a nosa fala galega (saíron cousas graciosas e aprendemos moitas outras xa case esquecidas....).

Fixemos actividades relacionadas coa poesía de Antón e tamén coñecemos un pouquiño da súa vida e traxectoria. Centrámonos nun anaco da súa poesía O Raposo a cal nos gustou moito.

Unha vez máis recurrimos ao conto das Zocas Máxicas para coñecer o que é unha aldea e aprender cousas e paraxes que se poden atopar nela. Pareceunos importante ver onde naceu o antropólogo, historiador e xeógrafo pois como el ben dicía " fun sempre un neno da aldea".

Na clase de primeiro, ademais de coñecer as catro provincias galegas, centrámonos na súa labor de periodista e investigador recollendo diferentes refráns galegos relacionados co tempo metereolóxico o que nos permitiu repasar o vocabulario dos metereológos.

Ademais aprendemos a canción de Paco Nogueiras "Meu o mundo é" que nos gustou moito e con ela descubrimos tamén algúns intrumentos musicais típicos galegos como a gaita ou a pandeireta. Deixamos o enlace para que pasedes un ratiño divertido cantando na nosa lingua: MEU O MUNDO É.


Os nenos e nenas de segundo aproveitamos a semana para traballar a expresión oral con actividades de traballo en equipo e describindo aos nosos amigos os peluches.

Ademais plantaron sementes de cabaza para coñecer o traballo dos labregos que viven nas aldeas, o cal aproveitamos para coñecer o conto e a canción de "Corre, corre cabaciña" que nos valeu para aprender os aumentativos e diminutivos en galego e traballar a entoación das frases interrogativas e exclamativas: Canción: Corre, corre cabaciña.

Outras clases realizaron diferentes murais que podemos ver na sala de usos múltiples.

E na aula de apoio aproveitaron a semana para traballar as dificultades da lectura con lecturas en galego.

E por último, pero non menos importante, ao igual que facemos noutras datas especiais, tamén nesta ocasión Tico nos fai recomendacións de diferentes libros na nosa lingua e tamén nos recomenda que pinchemos no apartado de CANCIÓNS EN GALEGO, na sección de páxinas e blogues que seguimos ou utilizamos no cole. (Podedes atopala debaixo da sección de Etiquetas)