DÍA DA FAMILIA

 O Día da Familia é  unha celebración da unidade e o amor.....

No noso colexio estivemos durante esta semana facendo actividades que fan fincapé na familia e o importante que é na nosa vida.

A familia é o lugar onde aprendemos a amar, a compartir e a medrar  como seres humanos. Por iso, o Día da Familia é unha data moi especial que se celebra en diferentes partes do mundo  e tamén no colexio para resaltar a importancia deste núcleo social e festexar todo o que nos une, posto que ALUMNADO-FAMILIAS-DOCENTES tamén somos unha FAMILIA! 

Celébrase cada ano o 15 de maio, e foi proclamado pola Asemblea Xeral das Nacións Unidas en 1993. O seu obxectivo é fomentar a reflexión sobre os desafíos que enfrontan as familias na actualidade, promover políticas que as protexan e fortalezan os lazos familiares.

A familia é unha institución que evolucionou ao longo do tempo, e que hoxe en día se manifesta en diferentes formas. Non hai unha única definición de familia, xa que cada grupo ten as súas propias características e dinámicas. Con todo, o que si é común en todas as familias é o AMOR e a SOLIDARIEDADE que se comparte entre os seus membros.

O Día da Familia é unha ocasión perfecta para honrar aos nosos seres queridos e celebrar a nosa unidade como grupo. Podemos aproveitar esta data para organizar actividades en familia, compartir momentos de calidade, lembrar anécdotas e anhelos, e novos recordos. Tamén podemos reflexionar sobre o que significa ser familia, e como podemos fortalecer os nosos lazos e apoiarnos sempre.

En definitiva, o Día da Familia é unha oportunidade para lembrar o valioso que é a nosa familia, e para reafirmar o noso compromiso de coidarnos e apoiarnos. Celebremos este día con alegría e gratitude, e lembremos que a nosa familia é un tesouro que debemos coidar sempre.

Aquí vos deixamos uns bonitos retratos que mostran un cachiño do que estivemos a facer esta semana de conmemoración.

Esperamos que vos guste moito 

FAMILIA!!

4º E.I. (3 ANOS)

5ºE.I. (4ANOS)

6º E.I. (5ANOS)

PRIMARIA

RECORDADE:  "O MELLOR LEGADO DUNHA FAMILIA AOS SEUS FILLOS, É UN POUCO DE TEMPO CADA DÍA" León Bautista Alberti

Últimas saídas

Deixamos a continuación varias imaxes das saídas realizadas nas últimas semanas:

3º Primaria ao Acuarium Finisterrae

3º, 4º e 5º Primaria ao Festival Internacional de Animación

1º e 2º Primaria ao Concerto Didáctico Rumbo a Divertimento

      4º e 5º Primaria ao Parque de Bombeiros

XXVII Día da Ciencia na rúa

 Este ano retomamos a nosa participación na Ciencia Rúa e non podemos estar máis contentos/as.

Moitas grazas aos nosos pequenos/as que o fixeron xenial, a todas as familias pola vosa colaboración, a todos/as os antigos/as alumnos/as polas vosas visitas e a todo o Equipo Docente pola vosa dedicación.

Aquí tedes unha mostra da nosa Haima no parque de Santa Margarida:

VÉMONOS NA SEGUINTE EDICIÓN!

Conmemoramos o día internacional contra o acoso escolar e a non discriminación LGTBI!

Ola familias! Esta semana no colexio estivemos conmemorando o día internacional contra o acoso escolar, un problema que por desgracia cada día está máis presente no sistema educativo. A partir desta problemática, dounos pé a traballar o respeto as diferencias e tamén a educación emocional, a cal é fundamental para o desenvolvemento integral do neno/a xa que lle permite xestionar as súas propias emocións e poñerse na situación das demais persoas que o rodean. 

Doutra banda, conmemoramos tamén a igualdade de trato e non discriminación LGTBI transmitindo ao alumnado valores de respecto, empatía e de novo a aceptación das diferencias. Polo tanto, cabe destacar que para aprender novos coñecementos sobre estas dúas temáticas, os alumnos/as dos diferentes cursos levaron a cabo propostas educativas moi orixinais tal e como podedes ver a continuación: 

4º EDUCACIÓN INFANTIL

Os máis pequenos desfrutaron de tres contos preciosos: "El jardín de los abrazos", "Tres con Tango" e "Orejas de mariposa". Asemade, pódese observar que gozaron moito elaborando e xogando co casco do protagonista do filme: "Wonder".

5º EDUCACIÓN INFANTIL

Os alumnos/as desta aula leron o conto: "El jardín de los abrazos" a partir do cal entenderon o que era o acoso escolar e aprenderon como deben actuar se algo así lles está a ocorrer. Tamén elaboraron o buzón da emoción e tiveron a oportunidade de expresar as súas emocións libremente. Ademais, como os máis pequenos tamén gozaron moito elaborando o casco de "Wonder". Por último, mancháronse cun pouco de pintura elaborando un mural de non discriminación LGTBI. 

6º EDUCACIÓN INFANTIL

Como podedes ver nas seguintes fotos, os maiores da etapa elaboraron unha preciosa flor da amizade cunha foto de todo o grupo e tamén leron o conto: "El jardín de los abrazos". 

1ºEDUCACIÓN PRIMARIA

O alumnado de primeiro tamén leron os contos: "Orejas de mariposa" e "El jardín de los abrazos" para despois gardar as emocións vividas no buzón das emocións. 

2º EDUCACIÓN PRIMARIA

Os alumnos/as de segundo leron os contos: "Monstruo rosa", "Pecas" e "Orellas de bolboreta" e ademais, realizaron a visualización dun corto titulado: "No juegues conmigo".

3º EDUCACIÓN PRIMARIA

Os alumnos/as de terceiro tamén leron o conto "El jardín de los abrazos", elaboraron un mural onde recompilaron palabras e debuxos do conto e analizaron se estas eran positivas ou negativas.

TALLERES DE HABILIDADES SOCIAIS DE 1º, 2º E 3º DE E. P.

Esta semana levaron a cabo unha dinámica onde viron o importante que é falar en positivo para evitar o acoso e posteriormente escribiron palabras e debuxos agradables.

4º EDUCACIÓN PRIMARIA

Este curso traballou o acoso escolar a partir dunha noticia do xornal de mércores a partir da cal reflexionaron e visualizaron dous vídeos: "No al bullying" e "Prevención del acoso". Ademais, tamén leron o conto "El jardín de los abrazos".

5º EDUCACIÓN PRIMARIA

Os alumnos/as de quinto leron o conto "El jardín de los abrazos" o cal dou pé para debater sobre o acoso escolar e a súa prevención. Para finalizar, elaboraron un mural individual para conmemorar o día. 

Doutra banda, os nenos/as falaron sobre o que significan as siglas LGTBI, expuxeron distintos puntos de vista e remataron coloreando as mans coas cores da bandeira LGTBI.

6º EDUCACIÓN PRIMARIA

Os máis maiores leron o conto: "El jardín de los abrazos" e levaron a cabo unha dramatización artística para reivindicar a problemática do acoso escolar.