As viaxes de Infantil en febreiro.

Este febreiro estivo cargado de excursións e en todas elas pasámolo moi ben!

Empezamos cun concerto didáctico que auguraba o noso axetreado febreiro. Fomos ao concerto titulado "De aquí para alá" que nos mostraba a viaxe dunha bolboreta por distintos países e polas súas músicas tradicionais.

Pouco despois os maiores convertímonos en bombeiros!

Unha vez no parque de bombeiros... comezou a diversión! observamos os distintos tipos de camións (tamén por dentro) que utilizan para loitar contra o lume e outros tipos de  misións; manipulamos o material necesario (ferramentas, bombonas de osíxeno) que empregan nunha emerxencia... tamén puxemos os traxes e ata xogamos no seu ximnasio!!! O que máis nos gustou foi probar a mangueira da auga e ter moita puntería! Os bombeiros explicaronnos  xenial e decidimos facerlle un agasallo a modo de agradecemento! Parabéns heróes! xa memorizamos o número dos bombeiros (080) e aprendemos que cooperar e convivir como compañeiros  é moi importante!!! Pasámolo requeteben!

E por último 4º e 5º de Infantil fomos á lonxa!

Alí fomos ven a modiño para non esbarar. Amosáronnos algúns peixes, uns grandes, outros pequenos  e outros que parecían arañas!

Tamén nos dixeron que, para que os peixes non se boten a perder hai que poñelos en xeo, e alí que fomos a ver como caía o xeo do teito e a tocar o frío que estaba.

 Despois da visita agasaiáronnos cunhas bolsas moi bonitiñas que se podían pintar cos rotuladores que tamén estaban dentro. 

Moitas grazas!!!

O entroido!

Achégase unha das festas populares que máis nos gusta, o entroido! E durante a semana próxima estaremos a facer os mandados do Meco.

Non vos esquezades!

Iniciación ao bádminton co selecionador galego!

Comezamos a unidade de Bádminton nas clases de Educación Física cunha visita moi especial. Rubén Espinosa, seleccionador galego deste deporte e adestrador do Club do Mar de San Amaro, acudiu á primeira sesión no pabillón para transmitir os seus coñecementos tras moitos anos de experiencia que leva neste deporte de raqueta.

A visita comezou cunha charla técnica falando do bádminton e a súas regras co obxectivo de acercar este deporte minoritario e pouco coñecido aos nosos nenos e nenas.

Despois da primeira introducción xeral, Rubén comezou cos primeiros consellos técnicos sobre o agarre da raqueta, os saques e os golpeos básicos deste deporte.

Tras as primeiras explicacións, o alumnado estaba ansioso por comezar a aprender e a practicar. As primeiras actividades foron uns intercambios sinxelos de golpeos por parellas nos que Rubén foi axudando e corrixindo a todos.

Co paso dos minutos, a práctica notábase e a aprendizaxe melloraba. Os intercambios de golpes cada vez eran máis duradeiros e superábanse as dificultades iniciais.

A primeira clase foi todo un éxito! Os alumnos e alumnas desfrutaron moito con este novo deporte e descubriron unha nova actividade que practicar no seu tempo de lecer. 

Moitas gracias ao Club do Mar de San Amaro e a Rubén Espinosa por compartir esta experiencia con nós!

Polo inverno, a ovelliña danos la.

O frío está aquí. O inverno vai convivir con nos uns meses e debemos abrigarnos. As nenas e nenos de 4º de Educación Infantil están traballando moito para non pasar frío e é por iso que lle están a pedir la , á ovelliña, para abater o frío.

A pesar do frío, poidemos disfrutar igualmente e  fixemos o noso boneco de neve, pero primeiro aproveitamos para manipular a "neve "e para deixar voar a nosa imaxinación. Unha vez que o fixemos, con moita delicadeza, engadimos o nariz, os ollos e a boca, repasando así algunhas das partes da cara. Despois continuamos polo corpo engadindo brazos e....seguramente vexades poucos así pero..., as peques e os peques consideraron que necesitaba unhas pernas, e aquí están.

Para poder abater tanto frío , a nosa ovelliña, que xa levaba uns días pola clase....comezou a darnos lá para poder facer as prendas de abrigo e así pasar un bo inverno. Con esta actividade, intentamos traballar a motricidade fina e ademais seguir traballando o esquema corporal. Tamén nos iniciamos na lecto-escritura, agora que xa case sabemos escribir o noso nome.... toca escribir tamén o da ovelliña. 

 Que ben cosen as nenas e os nenos de 4º de Educación Infantil!!

Como ben sabedes, se aprendemos dunha forma divertida sempre pode ser máis doado, por iso as peques e os peques xogaron coa "caixa das sorpresas". O/a peque metía a man e debía adiviñar a través do tacto que había dentro e o resto de compis ían facendo preguntas para adiviñar que era. Tamen xogamos ao "quen é quen", onde o/a peque poñía as gafas cunha imaxe e debía adiviñar que imaxe tiña polas pistas que lle daban os seus compis. Ao principio era un pouco difícil non poder decir a palabra, pero pouco a pouco foron desenvolvendo técnicas de pensamento para non decir o nome. Contamos ovellas dunha forma moi divertida , fixemos quebracabezas e fixemos parellas de iguais coas ovelliñas, cada ovella coa súa parella.

Tamén aprendimos da man da nosa pizarra dixital , xogando a xogos de memoria, iniciación na lecto-escritura....

Aproveitando que nos gustou tanto este conto, decidimos levalo á casa para ler. Agora a nosa mochila viaxeira anda de casa en casa, axudando ás peques e ós peques a desfrutar da lectura e así poder compartir coas súas familias este precioso conto. Atentas e atentos , se aínda non chegou á túa casa podería estar a chegar. Recordade tratar o conto con moito cariño para que outras e outros peques poidan seguir desfrutando.

Para rematar este proxecto, fixemos as ovellas de cores que nos axudaron a comprender que todos somos diferentes. Non temos a mesma cor de pel , pero no que si coincidimos é que nos gusta que nos traten ben, nos digan cousas bonitas, nos axuden, compartan con nós....

E así aprendemos un montón de cousiñas no Colexio Cid, esperemos que vos guste moito e xa sabedes, se tedes frío, podedes pedirlle á nosa ovelliña un pouco de la. 

CELEBRANDO O DÍA DA PAZ

En 4º de Educación Infantil, seguimos traballando a importancia do respecto e como hai palabras que nos poden facer sentir mal ou ben. Tamén decoramos a nosa aula cunhas fermosas pombas que se levaron á casa para vixiar e axudar a cada nena ou neno a seguir por ese camiño, esforzándose cada día para que todos poidamos sentirnos ben. 

Ademais aproveitando o proxecto de Ovelliña dame la que estabamos a facer, fixemos ovellas de diferentes cores para así poder falar e comprobar que todos temos diferente cor de pel e que todos debemos ser respetados e tamén coloreamos diferentes mans de distinta cor para o mural conxunto do cole.

En 5º de Educación Infantil traballamos a simboloxía da pomba da paz, o seu significiado e o por que de ser unha pomba a que representa a paz. 

Tamén colaboramos no mural conxunto do Colexio pintando colaborativamente as nosas mans para a paz. Timos moi en conta que as nosas mans poden servir para facer cousas boas ou cousas malas e na nosa man está elexir ben.

Os nenos e nenas de 6º de Educación Infantil traballamos con moita alegría co símbolo hippie que reflexa a Paz e o amor mundial. Decoramos de mil cores os nosos colares afianzando a motricidade fina e a imaxinación. Despois recitamos un anaco do poemario " O libro dos bicos" e fixemos unha chuvia de palabras fermosas : calma, amizade, amigo, bico...que servirán para os próximos días inventar o noso poema da Paz, fomentando así o diálogo espontáneo.

Tamén fixemos a nosa relaxación diaria representando o símbolo hippie e para rematar  saímos ao patio a celebrar con todo o colexio o feliz día de convivencia.

En 1º comezamos realizando os nosos propios monecos e a través deles aprendemos o que significaba a palabra descrición e as palabras que adoitamos usar para describirnos. Decatámonos de todas as diferencias que existen entre nós pero como di unha das cancións que aprendemos "aínda que sexamos diferentes por fóra, todos os nosos corazóns soan igual". Por iso, convivimos todos os días axudándonos uns aos outros e  resolvendo os nosos conflitos a través do diálogo e da comunicación, intentando escoitar e dicir palabras bonitas.

Tamén realizamos diferentes manualidades recortando moito e traballamos a lectoescritura lendo e aprendendo cancións e poesías relacionados co tema en diferentes idiomas e coñecendo o que era unha rima. Ademais lemos diferentes contos en galego e castelán realizando " A hora do conto". Nela aprendemos o que é un título, uns protagonistas, o lugar onde se desenvolve o conto, o tema do conto e o máis importante: que é o que nos ensina cada conto para mellorar a nosa relación cos compañeir@s.

E aproveitando que coa canción "Siente la paz" repasamos os 5 sentidos e coa profe de música preparamos un baile con lingua de signos, tamén coñecimos a través de Caillou como pode ser a vida dunha persoa con discapacidade auditiva e outra con discapacidade visual. Aquí vos deixamos os enlaces aos vídeos: 

Caillou conoce a Robbie

Un perro muy especial.

En 2º, 3º, 4º e 5º de E.P. realizamos diferentes actividades plásticas para decorar a nosa aula e o cole.

Na materia de Valores de 6º, en colaboración co resto de compañeiros/as, realizamos unha exposición fotográfica  titulada "Black? White?" baixo a premisa de que cor é o lapis de cor carne? para demostrar que todos somos diferentes e que non existen as persoas "blancas" e as persoas "negras".

Basámonos nunha exposición da fotografa Angélica Dass sobre a beleza da cor do ser humano.  Ela Empregou o código Pantone para clasificar cada cor, nós traballamos co Paint 3D para tomar a mostra de cor de cada alumno/a e creamos o noso propio código para clasificar as nosa pel

E coa mestra de música, Cris, todo os alumnos e alumnas do cole, preparamos tres actuacións moi especiais para destacar a importancia deste día tamén moi especial: Día da Paz de Pablo Díaz, Que bonito de Soraya e No dudaría de Antonio Flores.

Deixámosvos as recomendacións da Biblioteca para esta data tan sinalada:

Nesta última foto podedes ver o resultado do traballo de todos os nenos e nenas do cole. 

Parabéns peques!!!! Sodes tod@s uns artistas.