Día do libro e da Terra: unha semana chea de sorpresas e actividades.

O mes pasado celebramos dous días moi importantes para todo o noso cole. O día da Terra, 22 de abril e o día do libro, 23. Tendo en conta que este ano continuamos co proxecto anual de centro "Escoita a nosa Terra", preparamos diferentes actividades que estiveran relacionadas cos dous temas. Aquí vos deixamos un resumo de todas elas.

Para empezar veunos a visitar o contacontos Iago e presentounos outro dos seus libros: "O cociñeiro Martiño e as cenorias desaparecidas".

Coma todos os anos, as clases de Educación Infantil e 1º e 2º de Primaria pasámolo moi ben escoitando o seu conto. 

En Educación Infantil tamén celebramos con moita ilusión o día do libro. 
En 4º de E.I. elaboraron o seu propio libro, aproveitando o proxecto que estaban levando a cabo " La pequeña oruga glotona" para levar ás casas e desfrutar coas familias da lectura.

 En 6º de E.I. tamén traballamos un pouquiño con actividades relacionadas co libro ( mates, comida saludable e non saludable, series e repaso de cores en distintas gamas). Para finalizar pintamos, recortamos e picamos para elaborar un gran mural dende o nacemento da eiruga ata convertirse en bolboreta . Días despois tocou desfrutar da gran obra.

Como diciamos anteriormente, para rematar a semana do libro, as nenas e os nenos de Educación Infantil desfrutaron dunha obra de teatro baseada no conto " La pequeña oruga glotona", coñecido para todos eles e así poder facilitar a comprensión. Despois de desfrutar da obra de teatro, a eiruga trouxounos froita para recordarnos a importancia de comer froita todos os días e reflexionar sobre a importancia de non comer chuches habitualmente, non nos vaia a doer a barriga como a ela. 

En primeiro lemos e aprendemos dun libro que nos gustou moito porque cando levantabamos as solapas, aprendiamos ou repasabamos contidos de ciencias.

Ademais como xa melloramos moito coa lectura estivemos contándolles diferentes contos aos nosos peluches e recibimos un libro de agasallo: "Papá bolechas doa sangue".

Os nenos e nenas de segundo fixeron o seu propio libro e estiveron traballando en Lingua co libro "Pregunta a Dra. Peteiro sobre o Planeta Terra" co que aprenderon moito sobre os animais e o noso planeta ademais de traballar a estructura da carta e a  expresión oral e escrita coa descripción de animais.

Nunhas datas tan especiais non podían faltar as recomendacións de Tico que está relacionadas como diciamos anteriormente co proxecto Escoita a nosa Terra e concretamente cos temas que tratamos o día da Ciencia na Rúa.

 Tamén @s nen@s de Educación Primaria fixeron as súas recomendacións.

E na aula de apoio aproveitaron a semana para mellorar os problemas de lectura partindo dos intereses de cada nen@.

Para rematar, dende o blogue do cole, queremos felicitar a deseñadora do marcapáxinas que ganou este ano. Parabens, Sara!!!!