sábado, 20 de outubro de 2018

A NOSA CARA

Despois de ver que o Polo Pepe tiña ollos e pico na súa cara, mirámonos ao espello para ver se nos tiñamos o mesmo...pero nooon!!
Puidemos ver que tiñamos ollos, nariz,boca, orellas...e para iso aprendimos unha canción que nos gustou moito que nos axudaba a aprender e recordar o que tiñamos na nosa cara mentres xogábamos.


martes, 16 de outubro de 2018

O Polo Pepe



Que emoción!!! 

POLO PEPE recibiu ás nenas e ós nenos de 4º de EI. Puidemos ver que era amarelo, que tiña pico, patas e ás e cando xa pensábamos que o sabíamos todo sobre el…apareceu na clase un niño cun ovo e un pitiño moi pequeno. Non nos podíamos imaxinar o por qué... pensamos que unha vaca pisara o ovo ao comer a herba, que o rompera un can…pero que facía alí o pitiño?? Como non o sabíamos decidimos pedir axuda á familia, aos amigos, aos  veciños…e descubrimos que o Polo Pepe quería dicirnos que os pitiños nacen dun ovo. 

Aquí vos mostramos un pequeno resumo do que fixemos.

Moitas gracias pola vosa colaboración nesta pequena investigación!!

luns, 15 de outubro de 2018

Lávate as mans





Hoxe ,15 de outubro,  celébrase o Día Mundial do lavado das mans para concienciar da importancia que ten un xesto tan sinxelo coma este para protexer a nosa saúde.


Varias clases traballaron sobre a importancia de lavarse as mans en momentos clave do día coma antes de manipular alimentos, antes de comer ou despois de ir ao baño. 

Empregando as TIC buscaron información e fixeron divertidas mensaxes .







A nosa selva

Estamos na clase da selva!!

E como en toda selva debería de haber animaliños, puxémosnos mans á obra.


Comezamos coñecendo e pintando xirafas...


seguimos co conto do libro da selva con Mowgli e Baloo...



e tamén coñecimos a uns moniños moi simpáticos!!



Esta clase está feita unha selva!!!

mércores, 10 de outubro de 2018

MALETAS VIAXEIRAS

Boas de novo rapaces!!!!!  

Este ano preparei dúas maletas viaxeiras que podedes levar á casa e compartir coa vosa familia. Nelas hai libros moi diferentes: dende cómics e libros de poesía, ata libros de receitas e manualidades pasando por contos en inglés, contos de educación emocional ou contos con música.

Tedes dúas semanas para que  lles botedes unha ollada a todo o material ou para que os vosos pais, nais ou avós vos lean algún dos marabillosos contos que incluímos nestas maletas. Tamén hai uns cadernos viaxeiros nos que podedes escribir, debuxar ou pegar fotos e darvos a vosa opinión sobre esta actividade.

Se queredes levar algunha das maletas só tedes que poñervos en contacto coa mestra Marta e se sodes os máis pequechos do cole, os vosos pais,nais ou avós deben falar con ela.



Comezamos esta nova aventura!!!!!

            

















Esperamos que vos gusten a todos!!!!    

sábado, 15 de setembro de 2018

Benvid@s!

Despois dun longo verán xa estamos de volta!

Que máxico é o primeiro día de cole! Nervios, reencontros, caras novas, visitas de antig@s compañeir@s...

Pero agora é hora de poñernos mans á obra e comezar a superar novos retos.

Desexámosvos un magnífico inicio de curso!





martes, 11 de setembro de 2018

3, 2,1......Comezamos!!!



Xa queda menos para voltar a vernos e comezar o novo curso 2018/2019!

Recordámosvos que as clases darán comezo o mércores día 12 no seguinte horario:

Educación Infantil: de 11:00 a 14:00 h.

Educación Primaria: de 9:00 a 14:00 h.


Dando comezo xa o servizo de madrugadores, só para os alumnos/as de primaria, e comedor para infantil e primaria.

xoves, 5 de xullo de 2018

Cancións

AQUI TEDES ALGUNHAS DAS CANCIÓNS TRABALLADAS AO LONGO DO CURSO POLOS ALUMNOS E ALUMNAS DE EDUCACIÓN PRIMARIA, EN CONCRETO, 4º E  5º
O meco.mp3 La musa de los vientos.mp3 Misterio en el cementerio.mp3


martes, 26 de xuño de 2018

Proxecto Semente

Como punto final ao Proxecto Semente, os nenos/as de 4º e 5º desfrutaron dunha tarde de lecer no Megajump. Comezaron cunha hora e media de salto e despois repuxeron enerxía cunha merenda. Aquí tedes as fotos:






Como xa explicamos no inicio do Proxecto, destinamos unha parte dos beneficios á Cruz Roja en concepto de contribución a unha labor social.


mércores, 20 de xuño de 2018

Excursión de fin de curso

A semana pasada fumos de excursión de fin de curso ao Muíño de Pedroso onde fixemos diversas actividades relacionadas cos oficios. Pasámolo xenial e descubrimos que somos capaces de facer moitas cousas diferentes con produtos naturais coma:  leite, mimbre, coiro, xinzos ...

Pasamos un gran día compartindo e vivindo novas experiencias todos/as xuntos/as.












luns, 11 de xuño de 2018

Itinerarios 5º e 6º: Prazas con poder

Os alumnos de 5º e 6º realizaon uns dos itinerarios pola cidade vella onde visitaron  a praza de María Pita, o Concello, a praza de Azcárraga, a praza da Constitución e  Capitanía.

Non hai mellor maneira de coñecer a historia da nosa cidade que visitando in situ os lugares máis relevantes mentras nos contan incríbles anécdotas.




mércores, 6 de xuño de 2018

Acto de Graduacións

Queda moi pouquiño para rematar este curso e atopámonos moi ledas/os do voso esforzo pero tamén somos conscientes de que os maiores comezarán unha nova etapa fóra do cole.







No acto de graduación poidemos desfrutar das actuacións das extraescolares e tamén dos graduados , que o fixeron xenial.











Moitas grazas ás familias que nos acompañástedes neste día e á entidade colaboradora por facer este día máis especial.




luns, 4 de xuño de 2018

As Letras Galegas e o noso recunchiño.

Este ano ademais de coñecer un pouco máis á homenaxeada do días das Letras Galegas, María Victoria Moreno, e ler algúns anacos da súa obra, estreamos un novo recuncho nunha das paredes do cole: O noso recunchiño. 
Como estrea, as mestras puxemos palabras que nos gustan do noso idioma.A partires destas palabras de exemplo os alumnos e alumnas do cole poderán poñer palabras elixidas por eles e elas.

Deixamos fotos dos traballiños feitos por algunhas aulas e fotos do noso novo recunchiño.